KUTXABANKek CNMVri GEZURRA ESAN DIO
IRPHari LOTURIKO DIRUTZA ESAN DUENA BAINO HANDIAGOA DA EDO AURKAKO EPAI BATEN BELDUR DA ETA KOPURU HORI JAITSI NAHIAN DABIL
GUK DAIKUGULA EZ DA BEZEROEI ALDAKETARIK PROPOSATZEN ARI, ETA BERAZ DATUA ITXURALDATUKO ZUELA USTE DUGU
Donostia, 2019-9-9
IRPHaren inguruan Europar Batasuneko Justizia Epaitegiko Abokatu Nagusiaren iritzia ezagutu bezperan, Kutxabankek CNMVri adierazi dio IRPHari loturiko bere maileguen saldoa 727 milioi eurotakoa zela 2019ko ekainaren 30ean. Dokumentu berdienan, esan du aurkako epai baten probabilitatea baxua dela uste duela.
Bi baieztapen hauetako bat gezurra da.
Banketxeak berak CNMVri urte amaieran eman izan dizkion datuen arabera, 2019ko ekainaren 30ean IRPHari loturiko maileguen saldoa 1.100 milioi euro ingurukoa behar luke. Halaxe ikusten da azken bost urtetako bilakaera ikusten bada (bezeroak bere mailegua ordaintzen ari direlako eta ez delako IRPHari loturiko mailegu berririk sinatzen):
• 2014/12/31: 2.039 milioi €
• 2015/12/31: 1.785 milioi €
• 2016/12/31: 1.593 milioi €
• 2017/12/31: 1.398 milioi €
• 2018/12/31: 1.235 milioi €
• 2019/6/30: 1.100 milioi € (kalkulua)
Beraz Kutxabankek itxuraldatutako datu bat eman du edo ez da egia aurkako epai baten beldur ez dela, eta IRPHari loturiko dirutza jaisteko abiada biziko lasterketa bati ekin dio. Guk dakigula ez da bezeroei inolako akordiorik proposatzen ari, eta beraz uste dugu modu nahikoa zabarrean moldaturiko datua eman duela.
Edozein modutan, gogorarazi behar da IRPHaren baliogabetzeak atzerako eragina izango lukeela, eta beraz garrantzitsua ez da egun duen saldoa baizik eta guztira zenbateko dirutza izan den. Eta 2014 aurretiko datuetara jota saldo hori 4.500 milio eurotakoa zela ikus dezakegu. 2013 urte bukaeran IRPH Cajas desagertu zenean mailegu asko Euriborrari lotu ziren kontratuak hala ezartzen zuelako, baina bezero haiek orain dirua berreskuratzeko aukera izan dezakete.