Normalean gugandik ihesi dabiltzan ETBko kamerek oraingoan ezin izan dute gure mezua zabaltzea ekidin.
Kategoria: Acciones
#kutxacar autoak ekin dio bere bideari
#kutxacar dagoeneko hainbat lekutan izan da: Donostiako epaitegia, Garibai kalea, Matia kalea, Garbera merkatalgunean, bulea… Jarraitu #kutxacar-en ibilbidea hemen. Gainera, gogoratu Twitter bidez jarraipena egiten ari garela @irphstop_gpzkoa kontuan eta #kutxacar hashtagarekinn.
Lehiaketa: auto honentzat izena behar dugu
2013ko azaroaren 1a
[ujicountdown id=”Azaroaren 1a” expire=”2013/11/01 00:00″]
2013ko azaroaren 1ean, 2011ko urriaren 28ko gardentasunaren aldeko eta banku-zerbitzuen bezeroen babeserako EHA/2899/2011 ministerio-aginduaren argitaratzetik bi urte luze pasa ondoren, IRPH Cajas behin betiko desagertuko da.
Ordezkoa aurreikusita dugun Kutxa-ren bezeroak bi urte luzez behartu gaituzte, bidegabekeriaz, indize honen arabera ordaintzera. Eta badirudi Kutxabank-ek lapurreta hau gure hipoteken hurrengo rebisiora arte luzatu nahi duela, nahiz eta hau 2014ko urrian izan, adibidez. Baina ez da posible izango. Horixe bakarrik behar genuen. Gure kontratuak argi eta garbi ezartzen dute IRPH Cajas desagertzean Euribor+%1 aplikatuko zaigula, eta hau datorren azaroaren 1ean gertatuko da. Aldeen arteko akordioek lege indarra dute, eta egin nahi dutena kontratuaren hauste bat litzateke. Hala egiten badute, epaitegietara joko dugu Kaleratzeak Stop-eko abokatuek lagunduta.
Aurreneko ekimen bezala, kaltetu guztiok “Azaroaren 1a” atalean topatuko duzun modeloa entregatu behar dugu gure bulegoan (eta zigilodun kopia eskatu).
Astelehenean bai; ostegunean ez – PNV eta PSE Kutxan
Pasa den astean PSE eta PNVren hipokrisia agerian geratu zen. Astelehenean, hilak 23, alderdi hauek Batzar Bagusietan gu “babestu” nahi gintuzten, Kutxari eskatuaz gure kontratuetan aurreikusitako Euribor+%1 berehala aplikatzeko. Eta ostegunean, hilak 26, Kutxaren Administrazio Kontseiluaren bileran guk salatzen duguna gertatu zen berriz ere: alderdi hauen ordezkariek IRPHaren berehalako ordezkatzea baztertzen dute. Hau da, PSE eta PNVk Kutxan jendaurrean defendatzen dutenaren guztiz aurkakoa egiten dute. Hipokritak. Horregatik egon ginen atean, astelehenean Batzar Nagusietan hainbesteko traba egin zien pankartekin. Hemen osteguneko bideo bat.
Gainera, Gara-k argitaraturiko berriaren arabera, badirudi Kutxa IRPHa ahalik eta gehien luzatzen saiatuko dela. Azaroaren 1ean IRPH Cajas behin betiko desagertzen da, baina Kutxak bere aplikazioa hipoteka bakoitzaren hurrengo rebisiora arte luzatu nahi du. Garan esaten den moduan, honek 2013ko urrian rebisaturiko hipoteka bati suposatuko lioke 2014ko urria arte IRPHa ordaintzea, hau da, hirugarren urtez hilero 300 – 400 euro gehiago ordaintzea.
Azaroaren 1ean, IRPH Cajas desagertzean, gure klausulatuan aurreikusiriko baldintza betetzen da Euribor+%1 ordezkoa aplikatzeko. Horregatik Kutxa-k egin nahi duena kontratua ez betetzea litzateke. Kaleratzeak Stop-ekin lankidetzan dabiltzan abokatuak gaia lantzen ari dira dagoeneko.
Batzar Nagusietako gertakariei buruzko gure balorazioa
Astelehenean Batzar Nagusietan PSE-k aurpegia emateari ihes egin ondoren komunikabideak erabili nahi ditu intoxikatzeko, eta ez dugu onartuko.
Hona hemen albistea zenbait komunikabidetan: Berria, El Diario Vasco, El País, Gara, Naiz, Noticias de Gipuzkoa.
Eta behean gure balorazioa, prentsa-ohar moduan. Gure erreakzioaren berri eman duten komunikabideak: El Diario Vasco, Finanzas, Noticias de Gipuzkoa.
IRPHaren KALTETUOK PSE ETA PNVren FALTSUKERIA ETA MANIPULAZIOA SALATZEN DITUGU
Gipuzkoako IRPHak kaltetutakoen elkarteak bere gaitzespen osoa adierazten du PSE-k astelehenean, irailak 23, Batzar Nagusietan gertaturikoaren gainean egin nahi duen manipulazioaren gainean.
Hau elkarte apartidista da. Elkartzen gaituen helburu bakarra IRPHarekin akabatzea da, eta bide horretan errudunak eta hipokritak salatuko ditugu.
Astelehenean babesten gaituzten bi batzarkide taldeekin prentsaurrekoa eman genuen, eta gainontzeko taldeen jarrera salatu genuen: PNV, PSE eta PP. Egun horretan, PSE eta PNVk onartuko ez dugun fartsa baten hamaikagarren atala antzezteko asmoa zuten: bi talde hauek jendaurrean babesten gaituzte eta Kutxa-ri eskatzen diote gure ordezkoa aplikatzeko, hau da, Euribor+1. Baina bitartean, Kutxa eta Kutxabank-en administrazio kontseiluetan dituzten kontseilariek guztiz kontrakoa bultzatzen dute.
Ez dugu gure eskaeren zilegitasuna azpimarratuko berriz ere. PSEk Batzar Nagusietan aurkezten zuen ebazpen proposamenari helduko diogu: ados gaude. Idatzi duenari (PSE) eta babestekoa zenari (PNV) eskatzen diegun gauza bakarra jarrera hau Kutxa eta Kutxabank-en kontseiluetan mantentzea da. Gezur gehiagorik ez.
Beraiek dira gure erakundeak kakazten dabiltzanak, benetan erabakiorrak diren foroetan oztopatzen dituzten ekimenak zabaltzeko erabiltzen dituztenean. Beraiek dira Batzar Nagusiak antzokitzat hartu dutenak.
Pankarta bat izan zen mahaitik zutitu eta herritarrongandik ezkutatzeko izan zuten aitzakia. Segurtasun neurriak eskatu dituzte ume-kotxe eta guzti etorri zitzaien familia talde bat dela-eta. Ez dute lotsarik.