Kategoria: Acciones

Kutxaren aurkako salaketa, kontratua ez betetzeagatik

Telenorte: ikusi 5:30 minutua

Beste batzu: El Diario Vasco, Noticias de Gipuzkoa, Gara, Irutxuloko Hitza, El Mundo

Gaur goizean, Donostiako epaitegietan, gure adiskide Jose eta Susanak salaketa jarri dute Kutxabanken aurka beraien maileguaren kontratuko Hirugarren Bis klausula ez betetzeagatik. Plataforma honek eta Kaleratzeak Stop-ek babestuta egin dute, eta poliziek inguratuta, TVE-ren bideoan dakusagunez (ez, ETB ez da joan)

Beraien mailegua, eta Kutxaren biktimon gehiengoarena, IRPH Cajas indizeari lotua dago (orain %4 inguruan dagoen indizea), eta aipaturiko klausulak ezartzen du IRPH Cajas desagertuko balitz ordezkoa Euribor+%1 izango dela (euriborra %0,50-n dago), operazioaren bizitza osoan.

Bi dira Kutxabanken ez betetzeak…

1.- Klausulak ezartzen badu IRPH Cajas desagertu ezkero euribor gehi batekin ordezkatuko dela, eta IRPH Cajas azaroaren 1ean desagertu baldin bada behin betiko, ez dago zalantzarik ordezkatzea azaroaren batean bertan egin behar dela, eta ez azaroaren bataren ondorengo hurrengo rebisioan, ez baita hori maileguaren klausulak dioena. Eta ez da aitzakia gobernuko alderdiak indize kriminal hau hurrengo rebisiora arte lutzatzea uztea, zeren eta aldeen arteko akordiek lege indarra dute, eta alderdi, gobernu eta ganbera ororen borondate politikoaren gainetik daude.

2.- Klausulak dio, gainera, ordezkatzea operazioaren bizitza osorako izango dela. Ez dakigu ze intentzio edo aurreikuspen zituen Kutxak klausula hori inposatu zuenean, baina ordezkatzearen eragina operazioaren bizitza osorako izango zela jarri baldin bazuen, horrek esan nahi du operazioaren bizitzaren haseratik ordainduriko guztia aztertu beharko dela, eta IRPH Cajas indizeari lotuta eginiko ordainketa bakoitza berriz kalkulatu beharko dela, euribor gehi baten balioari lotuta.

Operazioaren bizitza osoan ez du esan nahi operazioaren hemendik aurrerako bizitzan, edo hurrengo kuotatan, edo bukaera arteko denbora epean. Ez, ez, operazioaren bizitza osoan sinatu zenetik bukatu arte da, eta ez dugu onartuko Kutxako magoek ezer aldatzerik.

Hilabete luzetan, ordezkatzea eskatzera joan garenean Kutxan esan digute ondo irakurtzeko, oso garbi zegoela, letra txikia irakurtzen ikasi behar genuela. Ba horixe egin dugu, guztia oso ondo irakurtzen ikasi dugu, eta ikaste horretan konturatu gara inposatu ziguten klausula horrek dioela ordezkatzea operazioaren bizitza guztiari aplikatu behar zaiola, beraz orain zuek zarete, Kutxabankeko jaunandreok, klausulak dionea ongi irakurtzen ikasi behar duzuenak. Are gehiago zuek inposatutako zerbait denean, %5-eko euribor batekin diru mordoa egiteko aurrikupsenarekin, eta orain euriborra 0,25era jeitsi daitekeela dakusazeue, eta kaltetuoi dirua itzuli beharko diguzuela.

IRPHa Batzar Nagusietan, berriro

alertalaranja

Bihar, azaroak 6, Gipuzkoako Batzar Nagusien plenoan IRPHaren desagertzea aztertuko da. Aurrez, irailaren 23an zen aztertzekoa gai hau, PSE-k aurkezturiko ebazpen-proposamena zela-eta, baina bertan behera geratu zen PSE-k berak boikota egin baitzion, gu han ginela-eta haserre. PSE-k eta PNV-k erakundetan guri babesa emateaz nazkatuta gaude, gero Kutxa eta Kutxabanken administrazio kontseiluetan guztiz kontrakoa egiten baitute. Gure lepotik farre egin nahi dute baina ez diegu utziko. Horregatik izan ginen han irailaren 23an, eta horregatik izango gara bertan bihar ere.

Oraingoan Bildu eta Aralarren batzarkide taldeek aurkeztu dute ebazpen-proposamena, eta bertan Kutxari eta bere Administrazio Kontseiluari deialdi zuzena egiten zaio. Baita Batzar Nagusiek Kutxan duten ordezkariari, Ion Jauregui Bereziartua jaunari (Beasaingo alkate ohi jeltzalea). Honek Batzar Nagusiaren deiari men egin beharko lioke, Batzar Nagusiak ordezkatzeko baitago Kutxaren kontseiluan.

Gure elkateak Bildu eta Aralar batzarkide taldeen ekimenarekin bat egiten du, eta talde hauekin prentsaurreko partekatua eskeiniko du bihar, azaroak 6, eguerdiko hamabietan Batzar Nagusien Egoitzan. Gainera, Kaleratzeak Stop-eko abokatu den Maite Ortiz ere gurekin izango da, eta Kutxabanken aurkako neurri judizial berriak argitara emango ditu.

Kaltetuok egoitza parean elkarretaratuko gara 11:45tan hasita, eta kutxacar gurekin izango da. Guztiok egon behar dugu bertan. Zatoz zu ere! Azaroaren 1a igaro denez, Kutxak Euribor+%1 aplikatu behar zigun gure kontratuek ezartzen duten bezala. Kutxaren kontratu hauste garbi honen ondorengo lehenengo hitzordua dugu biharkoa. Batzar Nagusien egoitza Miramomen dago, Poliklinikatik gertu. Ikusi kokapena hemen.

 

Azaroaren 1a iritsi da:

askida

2009an Europak espainiar estatuari IRPH Cajas kentzeko eskatu zionetik 4 urte pasa eta gero, estatuak 2011n hau onartu eta IRPH Cajas desagertuko zela ezartzen zuen ministeritza-agindua argitaratu zuenetik 2 urte luze pasa eta gero, azkenean 2013ko azaroaren 1ean IRPH Cajas guztiz eta betirako desagertuko da.

Kutxaren IRPHak kaltetuok ikusi dugu nola entitate honek ez digun gure kontratuek ezarririko ordezkoa aplikatu, Euribor+%1a, aitzakia bat bestearen ondoren jarriaz. Orain, guztizko desagertzea ematen den unean, berriz ere ezetz diote, ez digutela aplikatuko hipoteka bakoitzaren hurrengo rebisiora arte.

Kutxaren burla berri honen aurrean ASKI DA diogu, eta horregatik:

– Zubi osoan zehar, kutxacar Donostiako bulebarrean izango da lapurreta hau salatuaz.

– Asteazkenean, hilak 6, Batzar Nagusietako osoko bilkuran izango gara, gai hau eztabaidatuko baita.

– eta Kutxak ez badu bidea zuzentzen, zihur aski epaitegietan izango gara, salaketa bat edo gehiago jartzen.

Bat egizu mobilizazioekin.

Marielarekin elkartasuna: Kutxabanken kaleratzeei Stop

Kaleratzeak Stop kolektiboak datorren azaroaren 4an goizeko 9etan elkartaratze baterako deia zabaldu du Tolosako epaitegietan. Bertan Mariela Herreraren familiaren etxegabetzeari ekingo diote Kutxabankek hala deituta. Kontutan hartzekoa da Marielaren familia 7 pertsonek osatzen dutela eta artean adingabeko bi biloba aurkitzen direla, batak 6 hile besterik ez dituela eta besteak 6 urte, eta bere 18 urteko semea ezindua dela. Orain arte Goierriko HKP (PAH)-k lortu du kaleratze hau geldiaraztea baina Kutxabank berriro burutzen saiatuko da. Familia kalean utzi nahi dute, eta gainera 131.000 eurotako zorrarekin. Kaleratzeak Stop elkarteak, Goierriko eta Gipuzkoako bizilagunek etxea ordainean onartzea eta alokairu soziala exigitzen ditugu.

IRPHak kaltetutakoen elkarteak deialdi honekin bat egiten du