Pegata berriak iritsi dira. Mordoxka bat nahi izanez gero, eskatu…
Egilea: admin
IRPH-a laSexta eta SER komunikabideetan
Estatu mailan blog honetan eta Facebook-eko talde honetan antolatzen den plataformaren ahaleginei esker, IRPH-a ondorengo komunikabideetan agertu da: la Sexta (hemen bideoa) eta SER irratia (audioa Hoy por Hoy saioan – 21:25 minutuan- eta berria beren webgunean)
Honen atzean PSOE etekinen bila dabilela nabarmena da, eta mingarria da beraiek sortu zutelako arazoa eta gaur egun oraindik Kutxako Administrazio Kontseiuluan IRPH-aren alde egiten dutelako. Baina honek ezin du ezkutatu plataformak elkarrizketa hauekin lortu duen arrakasta.
IRPH-a Kutxan: mozorroak kanpora!
Pasa den 2013ko uztailaren 29ko Kutxaren Administrazio Kontseiularen bilerak mozorroak kentzeko balio izan zuen.
Bilduk eta DYA elkarteak IRPH-aren araberako hipoteka guztien berehalako berrikustea babestu zuten, aurreikusita dagoen Euribor+%1 aplikatuaz. Gure elkarteak bere esker ona adierazi nahi die bi talde hauei. PNV-ek eta PSOE-k ordea bizkar eman ziguten berriz ere.
EAJ-PNV alderdiak antzeko ekimenei babesa eman die Gasteizko Legebiltzarrean eta Donostiako Udalbatzan besteak beste. Eta Kutxabanken kontrola duenez berehala egin lezake Euribor-era aldatzea borondaterik izan ezkero, baina argi dago ez dela horrela. Aipatzekoa da Zarautzen adibidez Imanol Lasa Zeberio zinegotzi jeltzalea izan zela Kutxabank-i Euribor+%1 berehala aplikatzeko eskatzen dion mozioa aurkeztu eta defendatu zuena. Imanoli eskatzen diogu bere mozioak eskatzen duena bere alderdiak aurrera eramatea lor dezala.
PSOE-PSE-EE alderdiaren kasua ere mingarria da kaltetuontzat. PSOE-ren gobernu bat izan zen Europak behartuta IRPH-a deuseztu behar zuen ministerio-agindua argitaratu zuena 2011-n. Baina hain gaizki egin zuen (edo hain ongi, auskalo) non behin-behineko erregimenari atea zabalik utzi zion eta IRPH Entidades delakoa ezabatzea “ahaztu” zuen. Orain udaletxeak IRPH-aren kontrako mozio sinbolikoez betetzen dabiltza, eta gure aspaldiko ezaguna den Odón Elorza ere gure alde agertu da… baina Kutxaren administrazio kontseilua bezalako foro erabakiorretan IRPH-a defendatzen jarraitzen dute. José Miguel Martín Herrera eta Jacinto Hernández Martín, zuen azalpenen zain gaituzue.
CCOO eta Pixkanaka-k ezin izan zuten botorik eman ez baiziren bileran, baina dirudienez proposamena Kutxabank-en administrazio kontseilura helaraztea adostu zen. Mozorroen jolasari adi jarraituko dugu.
Aurtengo txupinazo pirata, IRPH-aren kontra
Kutxaren Administrazio Kontseiluaren bilera
Datorren uztailaren 29an Kutxaren Administrazio Kontseiularen bilera ospatuko da. Kontseilu honen kideek izen-abizenak dituzte, eta beraiek dira gure egoeraren arduradun. IRPH-aren ordez Euribor+%1 berehala aplikatzea erabaki dezakete, edo behintzat Kutxabank-i hori egiteko eskatu.
Bilduk Gasteizko Parlamentuan esan zuenez, beraiek pasa den bileran saiatu ziren hau proposatzen, baina ez zuten beste inoren babesik jaso. Inork ez duenez hau gezurtatu, egiatzat hartuko dugu. Datorren bilera honetan Bilduk berriz ere hau proposatzea eskatzen dugu, eta beste indarrei eskatzen diegu proposamen hau babesteko. Gurekin ez dagoena, gure aurka dago, eta PNV eta PSOE-z ari gara, nahiz eta udaletxetan mozioak babesten dituzten. Baita CCOO eta Pixkanaka (Kutxako langileak). DYA-ri ere luzatzen diogu eskaera.
Berriro diogu: gurekin ez dagoena gure aurka dago.
PP-k IRPH-aren lapurreta luzatu nahi du
PP-k erregimen transitorio bat proposatu du IRPH Cajas, IRPH Bancos eta CECA indizeak bertan behera utzi zituen ministerio-aginduarentzat.
Azpimarratu beharrekoak hauek dira:
1- Erregimen hau 2013ko azaroaren 1ean aplikatuko dela ezartzen du. Hilabete bat luzatzen dute baina behintzat ez dira beste luzapen bat ezartzera ausartu.
2- Ordezkorik ez duten hipotekentzat (ez da Kutxaren kasua), ordezko indizea IRPH Entidades izango da. Indize hau ere manipulagarria eta kriminala da. Bidegabekeria honen kontra egin beharrean gaude.
3.- Ordezkoa duten hipotekentzat (Euribor+%1 Kutxaren kasuan), ordezko hau hipotekaren hurrengo rebisioan aplikatuko dela ezartzen du, eta ez berehala. Bidegabekeria bat da, lapurreta luzatu nahi dute banketxeak gure kontura aberastu daitezen. PP-k hau ezartzea eragotzi behar dugu. Eta egiten badu, ezin dugu Kutxabank-ek hau aplikatzea onartu, ez baita etikoa.
Proposatu duten testua hemen ikus dezakezu.
Berria El País egunkarian ikus dezakezu.