Amaiur IRPHagatik gobernuari kontu eske

Amaiur koalizioak 15 galdera aurkeztu dizkio Espainiako gobernuari kongresuan. Lehenbiziko bi galderek kalteturiko hipoteken kopurua argitu nahi dute, eta hurrengo biek indize hauek kalkulatzeko hilero-hilero erabili diren datuak argitaratzea exijitzen dute. Gainontzeko galderen bitartez IRPHaren Kaltedunen Gipuzkoako Elkarteak otsailean argitara eman zuen txostenak salatzen dituen gabezia eta irregulartasunak azpimarratzen dira. Espero dugu Amaiurren ekimen honek irregulartasun hauek argitara eman eta IRPHa behin betiko desagertarazteko balio izatea.

Ikusi berria Naiz.info webgunean.

Martin Garitano Diputatu Nagusiaren harrera

Martin Garitano Gipuzkoako Diputatu Nagusiak harrera egin dio gaur IRPHaren Kaltedunen Elkartearen ordezkaritza bati, eta bere elkartasuna eta babesa adierazi dizkigu. Gainera, esan du arazoa ekiditea borondate kontua dela.

Elkarte honen ordezkarien artean Lorena izan da, Kutxaren esku babes ofizialeko etxebizitza galdu duen kalteduna. Kutxak haseran oso baxua zen zorra puztu zuen IRPHa eta komisio izugarrien bitartez. Komisio horiek baliogabetuak izan dira epaitegietan, abusuzkoak direlako. Orain Lorena, Elkarte honen eta Kaleratzeak Stop-en laguntzaz, IRPHa aplikatzea ere abusuzko klausulatzat joa izatearen alde borrokan dabil. Gaur bertan eman du aditzera IRPH aplikatzeagatik Kutxaren aurka aurkeztu duen salaketa tramitera onartua izan dela. Ada Colau beraren elkartasuna jaso zuen Lorenak orain dela gutxi. Ada Donostiara etorri zen espreski, Kutxaren aurka arrazoi berdinengatik aurkezturiko beste salaketa baten aurretiko bistan babesa ematera.

Gure ordezkariek berriz ere salatu dute PNV eta PSEk Batzar Nagusitan onarturikoa ez dutela Kutxaren Administrazio Kontseiluan babesten, eta diputatu nagusiaren esku-hartzea galdegin dute, gipuzkoar guztion eta Kutxaren sortzaileetako bat den erakundearen ordezkari gisa, entitate honek IRPHa aplikatu ez dezan.

Ikusi berri hemen: Aldundiaren prentsa-bulegoa, El Diario Vasco, Gara-Naiz, Noticias de Gipuzkoa, Europa Press, Cadena Ser.

Batzar Nagusietako lehendakariaren harrera ofiziala… eta Iturberi kontuak eskatzea

131120_BBNN

Gipuzkoako Batzar Nagusietako lehendakari Lohitzune Txarolak gure elkartearen ordezkaritza bat jaso du Batzar Nagusien egoitzan. Lehendakariari kaltetuon egoera bereziki grabea iruditzen zaio diru publikoz sortu eta mantentzen den banku entitate baten eskutik jasotako tratuaren ondorio delako, eta Kutxari eskatu dio berehala aplikatzeko eruribor gehi puntu bat.

Batzar Nagusien webgunean eman dute honen berri: egin klik hemen berria ikusteko.

Bestalde, azaroaren 18an ospatu zen batzordean, Batzar Nagusiek erabaki zuten Kutxako presidentea eta Kutxabankeko Administrazio Kontseiluko kide den Xabier Iturberi eskatzea Batzar Nagusietan agerraldia egiteko, Kutxaren Administrazio Kontseiluan IRPHaren inguruan hartutako erabakien berri eman dezan. Ekimena Bildu eta Aralarrena izan zen, eta PPk babesa eman zion.

PNVk eta PSEk aurka egin zuten. Ez dute agerraldirik nahi. Harritzekoa, beraien diskurtso ofizialaren arabera gai oso larria baita. Edo guztiz ulergarria, alderdi hauek direlako Kutxaren Administrazio Kontseiluan IRPH aplikatzearen alde egiten dutenak. Hipokrita hutsak dira. Hipokritak eta kriminalak.

Ikusi egin beharko orain Xabier Iturbek zer erantzuten dion eskari honi. Espero dugu Kutxaren sortzaile den erakundearen eskaria aintzat hartuko duela, ez da noski gonbidapena baztertzeko bezain lotsagabea izango!

IRPH Entidades-ek senatuko tramitea igaro du

PP-k IRPH-a duten eta ordezkorik aurreikusten ez duten hipotekei indize manipulagarri eta kriminal bat inposatu nahi die, PSOE-k ongi gorde zuen IRPH Entidades alegia. Irailaren 11n PPren ekimen honek senatuko tramitea igaro zuen, eta orain kongresura itzuliko da BOE-n argitaratu aurretik, ez badugu eragozten.

Bideoan honen kontra hitz egiten dute: IU (estatu mailako plataformaren gutuna irakurriaz), PSOE (orain eskatzen dute berehala Euribor+1 aplikatzea eta ez dute gogoratu nahi beraiek egiteko aukera izan zutela duela 2 urte) eta Amaiur – EH Bildu, gure elkartea aipatuz (Gipuzkoako IRPH-ak kaltetutakoen elkartea) eta PSOE eta PNV-ren hipokrisia salatuz.

IRPH-a Kutxan: mozorroak kanpora!

Pasa den 2013ko uztailaren 29ko Kutxaren Administrazio Kontseiularen bilerak mozorroak kentzeko balio izan zuen.

Bilduk eta DYA elkarteak IRPH-aren araberako hipoteka guztien berehalako berrikustea babestu zuten, aurreikusita dagoen Euribor+%1 aplikatuaz. Gure elkarteak bere esker ona adierazi nahi die bi talde hauei. PNV-ek eta PSOE-k ordea bizkar eman ziguten berriz ere.

EAJ-PNV alderdiak antzeko ekimenei babesa eman die Gasteizko Legebiltzarrean eta Donostiako Udalbatzan besteak beste. Eta Kutxabanken kontrola duenez berehala egin lezake Euribor-era aldatzea borondaterik izan ezkero, baina argi dago ez dela horrela. Aipatzekoa da Zarautzen adibidez Imanol Lasa Zeberio zinegotzi jeltzalea izan zela Kutxabank-i Euribor+%1 berehala aplikatzeko eskatzen dion mozioa aurkeztu eta defendatu zuena. Imanoli eskatzen diogu bere mozioak eskatzen duena bere alderdiak aurrera eramatea lor dezala.

PSOE-PSE-EE alderdiaren kasua ere mingarria da kaltetuontzat. PSOE-ren gobernu bat izan zen Europak behartuta IRPH-a deuseztu behar zuen ministerio-agindua argitaratu zuena 2011-n. Baina hain gaizki egin zuen (edo hain ongi, auskalo) non behin-behineko erregimenari atea zabalik utzi zion eta IRPH Entidades delakoa ezabatzea “ahaztu” zuen. Orain udaletxeak IRPH-aren kontrako mozio sinbolikoez betetzen dabiltza, eta gure aspaldiko ezaguna den Odón Elorza ere gure alde agertu da… baina Kutxaren administrazio kontseilua bezalako foro erabakiorretan IRPH-a defendatzen jarraitzen dute. José Miguel Martín Herrera eta Jacinto Hernández Martín, zuen azalpenen zain gaituzue.

CCOO eta Pixkanaka-k ezin izan zuten botorik eman ez baiziren bileran, baina dirudienez proposamena Kutxabank-en administrazio kontseilura helaraztea adostu zen. Mozorroen jolasari adi jarraituko dugu.