Elkartasun azoka

mercadillo

IRPHaren aurkako borrokaren gastuei aurre egiteko, bigarren eskuko azokatan esku hartzea erabaki dugu. Estreinaldia pasa den maiatzaren 4ean izan zen, Intxaurrondon. Adi! Hemendik aurrera beste auzo eta herri askotan izango gara. Erabiltzen ez duzun trasteren bat eman nahi baldin badiguzu eskertuko dizugu. Eta gogoratu dirulaguntzak ere onartzen ditugula (Kontu korrontearen zenbakia 3035 0049 09 0491091071, Laboral Kutxan). Jasotako diru guztia borrokaren gastuetan erabiliko da: tasa judizialak, fotokopiak, etabar.

Egiako auzoetxearekin elkartasuna

auzoetxea

IRPH Stop eta Kaleratzeak Stop elkarteok gure elkartasun osoa aderazi nahi diogu Egiako auzoari. Pasa den maiatzaren lehenean, urtetan inongo funtziorik bete ez duen Kutxaren eraikin bat modu baketsuan okupatu eta gero, poliziak hustu egin zuen.

Era berean, indar polizialak erabili duen bortizkeria salatu nahi dugu. Berriro ere, botere ekonomiko, politiko eta polizialak ez du herriaren nahia haintzat hartu.

Abusuzko klausulen inguruko hitzaldia

José María Erauskin, Kaleratzeak Stop eta IRPH Stop elkarteetako abokatuak, 2014-04-29an Zizurkilen abusuzko klausulei buruzko hitzaldi interesgarria eman zuen. Hitzaldia gazteleraz izan zen eta zazpi ataletan banatzen da:

CAPITULO 1º.- CONDICIONES GENERALES DE LA CONTRATACION
Principios Generales de Contratación

Egin klik gainontzeko atalak ikusteko

IRPHa eta Kutxabanken inguruko galdera asko ETBn Hasier Arraizekin

Goiko bideoan, gure elkarteko kide batek EH Bilduren babesa eskertzen du baina pausu gehiago emateko eskatzen dio Hasier Arraizi. Behean, beste bi hiritarrek Kutxabanken krudeltasuna, IRPHa, kaleratzeak, gizarte ekintzaren murrizketa eta pribatizazioa dituzte ahotan.

Hitzaldia Zizurkilen

Zatoz asteartean Zizurkilera, hitzaldi benetan interesgarria izango da.

Kutxaren aurrean elkarretaratzea

140424_garibai

Pasa den apirilaren 24ean, Kaleratzeak Stop-ekin batera elkarretaratzea egin genuen Garibai kaleko Kutxaren aurrean. Bertan salatu genuen Kutxak IRPH aplikatzen jarraitzen duela, eta ez duela etxea ordainetan hartu eta alokairu soziala eskeintzen. IRPHa mantentzean PNV eta PSEk azaltzen duten hipokrisia salatu genuen, eta indize kriminal horri eusteko CCOO eta Pixkana sindikatuen laguntza dutela ere bai. Gainera, idatzi bat sartu genuen, administrazio kontseiluaren hurrengo bileran gai hauek aztertu ditzaten.

Ikusi berria hemen: Diario Vasco, Naiz.