Batzar Nagusitan IRPHa eztabaidatzean, PNVk ez du inolako kezkarik azaltzen Kutxak ilegalki aplikaturiko IRPHaren ondorioz egoera larrian dauden familien inguruan, eta bere kexu bakarra Kutxari egiten zaion “publizitate txarra” da. Gainera, bideoan ikusi daiteken bezala, badirudi Kutxa publikoa edo pribatua dela, momentuko nahiaren arabera.
Eztabaida berdinean, José Corchón PNVko batzarkideak bere asmoak argi utzi zituen zerbait esan zuen: «Etxebagetzen ez duen banku bat pentsaezina litzateke»
Aurreko berrian PNV eta PSEren manipulazio baldarra frogatzen genuen, eta bideo honetan erakutsi nahi dugu zein barregarri geratzen den PNV (Carlos Iturgaiz berberaren estilora), IRPHaren gaineko benetako eztabaida ekidin nahian: PNVk babesten gaituela dio jendaurrean, baina eurek dira Kutxa barruan IRPHa bultzatzen dutenak (PSE, PP, CCOO eta Pixkanakaren babes aktiboarekin)
Aurreko berrian genioen bezala, PNV eta PSEk burla egiten digute. Bideo hau da froga. Aurrez adosturiko testu bat onartzen dute, eta diotenez Euribor+1 berehala aplikatzea eskatzeko da, rebisioari itxaron gabe. Baina Jon Jauregi PNVko kidea, Batzar Nagusien ordezkari dena Kutxan, gaitzesteko eskatzen zaienean hau bera defendatzen ez duelako… zer diote orduan? Orduan esaten dute euren testuak eskatzen zuena hurrengo rebisiora arte itxarotea zela. Inozoak garela uste dute.
Laburbena oso erreza da: azaroaren 6an Batzar Nagusiek testu hau onartu zuten, PNV eta PSEk aurrez adostu eta aurkeztu zutena:
Gipuzkoako Batzar Nagusiek Gipuzkoako Lurralde Historikoan bulegoak dituzten kreditu erakunde guztiei eskatzen diete berehala aplikatzeko euribor tasaren erreferentzia indizea gehi puntu bateko ordezko klausula, legez egokitu arren 2013ko azaroaren batetik aurrera oraindik —era bidegabean— aplikatu ez duten kasuetan.
Bere azalpenetan, PSEko Mª Jesús Egidok azaldu zuen puntu horretan Euribor+1 berehala eta rebisioari itxaron gabe aplikatzeko eskatzen zela. Baina urtarrilaren 15ean PNVko Eider Mendozak dio testu horrek eskatzen duena Euribor+1 rebisioa iristean aplikatzea dela.
Barre egiten digute? Baietz dirudi, noski. Gainera EH Bilduri psoposatzen diote testu hori aurkezteko Kutxako Administrazio Kontseiluan. Zertarako? Guri barre egiten jarraitzeko.
Hemen irakur dezakezu istorio osoa, eta helarazi dizkiegun gogoetak (helbideak mjegido@bngipuzkoa.org eta emendoza@bngipuzkoa.org direla uste dugu). Hemen duzu gutuna PDF formatuan
Azpeitiko IRPHaren aurkako epaiaren berri eman dugun egun berean ospatzen dugu Twitterren dagoeneko 99 garela (ez dugu goruntz biribilduko… hori “beraiek” egiten dute) eta 400 direla euren helbide elektronikoa eman digutenak IRPHaren aurkako borrokaren azken berriak jasotzeko.
Twitteren jarraitzeko bilatu @irphstop_gpzkoa, eta berriak postaz jasotzeko begiratu hemen.
IRPHaren aurkako setio judiziala indartzen doa, IRPHa abusuzko klausula dela dioen epai berri batekin. 2014ko urtarrileko epai bat da, Azpeitiko epaitegiak emana, eta Nafarroako Rural Kutxak IRPH-Entidades aplikatzearen ingurukoa.
Abusuzko klausulengatiko aparteko inzidente bat da, kaleratze prozesuan zegoen familia batek aurkeztua (“exekutatua” izan zen, baina “lanzatua” oraindik ez). Epaiak dio kontratuan abusuzko klausulak daudela, eta kaleratzea bertan behera uzten du.
Abusuzkotzat jotzen den klausulatako bat IRPH indizea aplikatzearen da, eta autoak dio ez dela ulergarria bezeroak onartu ahal izateko azaldua izana, kaltetuentzat Euriborra baino kaltegarriagoa delako (hitzez hitz, “más perjudicial que el habitual del Euribor”). Eta gehitzen du azalpen argi baten faltan klausula hau ezin izan zela negoziatua izan merkatuen eta maileguen inguruko eragiketen gaineko ezagutzak ez dituen norbaitentzat. Hitzez hitz: “y sin una explicación clara esta cláusula es una disposición que no se pudo negociar individualmente, salvo para alguien con conocimientos específicos en los mercados y las operaciones de préstamos” eta “siendo esto perjudicial para los ejecutados al ser este interés más perjudicial”
Ikusi berria El Diario Vasco-n.
Epai hau 2013an Collado Villalban eman zen beste baten ondoren dator. Hemen duzu epai haren inguruko berri.
