Legebiltzarra desobedituz Auzitegi Gorenera joko du Kutxabankek

Logo_naranja_tx

KUTXABANKek IPRHa BALIOGABETU ETA KOBRATURIKO INTERESAK ITZULTZERA ZIGORTZEN DUEN ARABAKO AUZITEGIAREN EPAIARI HELEGITEA JAR LIEZAIOKE ESPAINIAKO AUZITEGI GORENEAN

GASTEIZKO LEGEBILTZARRAREN AGINDUA DESOBEDITUKO LUKE HORRELA

KUTXABANKen GAINEKO KONTROL PUBLIKO ETA SOZIAL EZA SALATU ETA VILLALABEITIAren AGERRALDIA EXIJITZEN DU IRPH STOP GIPUZKOAk

Donostia, 2016-3-29

IRPH Cajas eta IRPH Entidades indizeak baliogabetu eta Kutxabank salaketa jarri duenari kobraturiko interesak itzultzera zigortzen duen Arabako Probintzia Auzitegiaren epaiari helegitea jar liezaioke Kutxabankek. Gero eta zabalduago daude horren inguruko zurrumurruak, eta eldiario.es komunikabideak atzo argitaraturiko albiste baten bitartez konfirmatu ditu.

Baieztatuko balitz, Kutxabankek Espainiako Auzitegi Gorenera joko luke EAEko Merkataritza Arloko Epaitegi guztiek eta orain dela gutxi Arabako Probintzia Auzitegiak jarri dizkioten zigorrei aurre egiten saiatzeko. Arabakoa estatuan IRPHa baliogabetuz probintzia auzitegi batek ebatzi duen lehen epaia da.

Azpimarratzekoa da epaitegietako zigor hauetaz gain pasa den otsailean Gasteizko Legebiltzarretik agindu zuzena jaso zuela Kutxabankek. Legebiltzarraren testuak IRPHa erabiltzen duten banketxe guztiei eskatzen die «utz diezaiotela bera aplikatzeari» eta «itzul diezazkietela pertsona kontsumitzaileei indize horretan erreferentziaturik kobratutako interes guztiak» eta baita «IRPHko edozein motatan erreferentziatutako hipotekak exekutatzeagatik utzarazitako etxebizitzak» ere. Legebiltzarraren testua oso gogorra da eta adierazten du «IRPH interes-tipoa opakoa dela, banketxeek eragin diezaioketena, merkatuaren errealitatea jasotzen ez duena eta argi-argiro kaltegarria kontsumitzaileentzat, eta abusuzkotzat jo beharrekoa».

Ondorioz, Kutxabankek Espainiako Auzitegi Gorenera jotzeak Legebiltzarraren aginduari desobeditzea suposatuko luke.

IRPH Stop Gipuzkoa plataformatik uste dugu eskandalagarria dela Kutxabank legebiltzarrari desobeditzen aurrena izatea, kontsumitzaileentzat hain kaltegarria den indizeari eusteko. Herritarren aurrezkiekin sorturiko aurrezki kutxetatik jaiotako banketxea, bere izaera eta helburu sozialak gorde beharko lituzkeena, ezin da izan banketxe guztien artean zitalena. Berriz ere Kutxabanken gaineko kontrol publiko eta soziala exijitzen dugu, eta bere pribatizazio prozesua salatu. Aurrezki kutxak banku-fundazio bihurtzea eta batez ere inolako kontrol publiko edo sozialik ez duten 15 kideren eskuetan uzteko erabakian atzera egin beharra dago berehala. Horrela bakarrik bermatuko dugu legebiltzarraren aginduaren aurkako desobedientzia hau bezalako beste astakeriarik ez egitea.

IRPH Stop Gipuzkoak dei egiten die legebiltzarkide taldeei Gasteizko Legebiltzarrean Gregoria Villalabeitiaren agerraldia premiaz eska dezaten.

Azkenik, Maite Ortiz eta José María Erauskin gure abokatuen lanean dugun konfiantza berresten dugu. Badakigu IRPHa abusuzkoa dela frogatuko dutela Espainiako Auzitegi Gorenean eta baita beste edozein auzitegiren aurrean ere.

4 thoughts on “Legebiltzarra desobedituz Auzitegi Gorenera joko du Kutxabankek”

  1. Hola, yo soy de Castellón, pero también tengo Kutxabanc.
    Puedo reclamarlo?
    Podrían ayudarme?

  2. Kaixo.
    Como esta el tema del recurso?
    Sabemos si ya lo han metido?
    Otra cosa, yo ya he reclamado en kutxa y en kontsumobide, y por cierto, en kutxa no tenian hojas de reclamacion de kontsumobide, y en este ultimo, no tenian ni idea del tema irph.

  3. Señores: Como puede entenderse que tengamos que asumir que el Banco de España es el que elabora el tipo de interés IRPH. Elaborar es mas que hacer una media aritmética. Elaborar es tomar los datos adecuados, pertinentes y correspondientes para luego aplicarlos a un índice que afectará a miles de usuarios. Si partimos de aceptar unas premisas falsas no llegaremos nunca a la realidad real del IRPH. No se puede jugar con las palabras cuando no expresan la realidad.

Comments are closed.