2014ko urriaren 15ean izan da. PSEk egin zuen proposamen bat zegoen mahai gainean: Foru Aldundiak diru publikoa erabiltzea IRPHaren katetuoi banketxeek lapurtu diguten diruaren zati handi bat aurreratzeko. Kaltetuok aukera hori guztiz baztertu genuen adierazpen honetan, eta baita Batzar Nagusitan egindako agerraldian ere.
Bideoan ikus daitekeenez, PNV eta PSE lotsagarri aritu dira berriz ere. Ekimena ez da aurrera irten.
Gaur ospatuko den Kutxaren Batzar Nagusiaren aurreko kanpaldian kaltetuok irakurri dugun oharra eta bertan dauden kaltetuen zerrenda:
KUTXAREN BATZARRAR OROKORRAREN AURREAN KANPALDIA: KALTETUOK KUTXABANKEN KONTROL PUBLIKO ETA SOZIALA EXIJITZEN DUGU
Donostia, 2014-10-24
Gaur herriak Donostiako Kutxaren egoitzaren aurrean kanpaldia egin du aurrezki kutxen espoliazio prozesua eta gizarte ekintzaren likidazioa geldiarazteko. Gaur, hemen, plataformak eta norbanakoak elkartu gara; etxegabetuak izan garenak, finantza-iruzurrak txirotu gaituen fede oneko zordunak, gure etxea enkantean jartzeko mehatxupean bizi garenak, etxebizitza ordainean eman eta alokairu soziala ordainduz duintasunez bizitzeko aukera bat eskatzen dugunak, engainatuak izan garen abal-emaileak, gure maileguak funts-putreei oparitu dizkietenak, IRPH-ak kaltetuak, aurreztaile txikiak eta pentsiodunak, baztertze arriskuan daudenak, gizarte ekintzaren mendeko direnak eta, oro har, Kutxabank-en ereduarekin ados ez gaudenak. Ez diegu bide honetatik jarrai dezaten utziko, ez horixe!
Kutxaren gaur egungo kudeaketa eredua guztiz antisoziala da eta banku fundazio bihurtzeak, PNV, PSE, PP eta CCOO-ek nahi duten moduan, egoera hau larriagotu eta betikotu besterik ez du egingo.
Gaur Kutxaren pribatizazioan urrats berri bat egitekotan dira, kontrol publikoa eta soziala sahiestuko duen prozesuri abiapuntu emanez; aurrerago akzioak inbertsore pribatuei saltzeko asmoarekin. Banku-fundazioan eraldatzea ez da derrigorrezkoa, legeak beste aukera batzuk eskaintzen ditu, boterea 15 pertsona ahalguztidunen esku ez uzteko eta lagun hauek kontrol sozial eta publikoa sahiestuz beraiek nahi moduan joka ez dezaten. Gipuzkoako Foru Aldundiaren proposamena eztabaida dadin exijitzen dugu, gutxienez; legezko eta balekoak diren beste proposamen batzuk ere badaudela jakin arren, esaterako, Ekai Center-ek, Kutxabank Publikoa izeneko ekimenak eta PSEko Gazteriak proposaturikoak.
Herritar guztiak —PNV, PSE, PP eta CCOO-eko oinarri soziala barne— antolatu diren mobilizazioetan parte hartzera deitu nahi ditugu, batez ere, 15:00etan hasiko den eltze-joaldian; une horretan sartuko baitira Kutxako ordezkariak deitutako batzarrera.
Beste Kutxabank eredu bat posible da. Egin dezakegu!
ERANSKINA: DENDETAN DAUDEN KALTETUAK
DENDA: KUTXABANKN ETXEGABETZEAK
Lorena eta Sandra, kaleratuak izateko zorian.
Lorenari Kutxak Errenterian zuen bere Babes Ofizialeko Etxebizitza kendu zion eta kaleratua izateko zain dago; guztia bere hipotekaren ordainketak 2.900€tako atzerapena izan zuelako. Lorenak Kaleratzeak Stop-en laguntzarekin epaitegietan frogatu ahal izan du Kutxak ezarritako atzerapen-interesak gehiegizkoak zirela. Kutxak epaia errekurritu zuen Lorena eta bere alaba lehenbailehen kalean uzteko asmoz.
Lorenak bigarren instantzian irabazi zuen eta, gainera, Kutxa auzi-bidean jarri zuen IRPH indizea ere gehiegizkoa zela iritzita. Epaitegiak Lorenari arrazoi eman dio: IRPH-a eraginerraza da eta, ondorioz, legez kanpokoa. Beraz Kutxak ez zuen inoiz aplikatu behar. Lorenak IRPHagatik mailegu guztian ordaindutako gehiegizko interesa itzultzera zigortu dute Kutxa. Honela Lorena eta bere alabak berriz ere bere etxea berreskuratzea espero dute.
Sandra Mutrikun bizi da, langabezian dago eta Debabarrenako PAH-rekin batera, bera eta bere sema-alabak kaleratuak izan ez daitezen borrokan ari da. Etxebizitza galtzeaz gain, 150.000€ko zorra dauka zintzilik eta abal-emaileak euren etxebizitza galtzeko arriskuan daude.
DENDA: IRPHak KALTETUAK
Indize honen eraginak nabarmenak dira kaleratzeei dagozkien kanping dendetan. IRPHa pairatu dugunok lapurtu diguten guztia atzeraeraginezko izaerarekin itzultzea eskatzen dugu. Epaitegiek arrazoia eman digute bi kasutan, eta egun zera esan dezakegu: datorren azaroaren 10ean Donostiako epaitegian burutuko direla Kutxaren aurkako 35 kausen bistak, IRPHaren inguruan. Azaroaren 10ean makroepaiketa bat burutuko diegu,IRPH, Kutxabank, eta Xabier Iturberi.
DENDA: KUTXABANK LEHENENGOA DA ETXEBIZITZAK ENKATEAN JARTZEN
Marian eta Castorrek enkanteak bertan behera utziak dituzte, Kaleratzeak Stop-i esker.
Marian, bi umeen ama, dibortziatua, RGI jasotzen du, Kutxabankek bere Donostiako VPOko etxea enkantean jarri dio mailegu pertsonal batean 2.000€ko zorra izateagatik, dibortzioaren epaiaren arabera %13 bakarrik ordaindu behar duenean.
Juana, alarguna, 900€ko pentsioa du, Kutxabankek jada ordaindua duen bere Errenteriako etxearen enkantearekin bere semeak lokal bat erosteako erabilitako mailegua erreklamatzen dio.
DENDA: ETXEA ORDAINEAN EMATEA ETA ALOKAIRU SOZIALA
Ainhoa langabetua, amarekin bizi da, pentsioduna eta elbarria, oraindik ordaintzen ari den etxe batean. Mailegu pertsonal bat eskatu zuen autonomo moduan jartzeko. Ezin izan zion aurre egin, honenbestez Kutxabankek bere etxebizitza enkantean jar dezake, horregatik eskatu zuten duela urtebete baino gehiago etxea ordainean eman eta alokairu soziala, emaitzarik gabe.
Ainhoaren moduan, fede oneko ehunka zordunek eskatu dute etxea ordainean eman eta alokairu soziala baina erantzuna beti izan da ezezkoa RDL 6-03-12 edo Guindos dekretuak ezartzen duen etxebizitzaren prezioa gaindizteagatik.
DENDA: FUNTS PUTREEK KALTETUAK
Arebalatxetako J. Antonio eta Donostiako Palmira
Jose Antonio gaur egun langabezian aurkitzen da, eta IDR.FINANCE entitateak 28.000 euroko zor bat erreklamatzen dio, eta ez badu ordaintzen, puntualki hipoteka ordaintzen duen bere etxea erreklamatzeko arriskuan aurkitzen da.
Palmira, 400 euroko pentsio kontributiboa kobratzen du eta orain dela gutxi, Link Financesek jarritako izapide bat jaso du epaitegitik, non erreklamatzen dioten alabak zuen 27.000 euroko zorra (Palmira abal-emaile zena), orain dela hilabete batzuk Kutxabankek Link Finances funts putreari saldu ziona. Palmiraren etxea enkantera eraman dezaketen arriskuan aurkitzen dira. Kutxabankek 27.000 euroko zor hori, 400 euroren truke oparitu zuen fondo putreei, Palmira eta bere semeei ordea ez zioten merkealdi hau eskeini.
Kutxabankek milaka bezeroen maileguak saldu ditu funts putre hauei, 340 milioiko balorazioa zuen maileguak 5 milioien truke, hau da %1,5
ABAL-EMAILEEN DENDA
Bere seme alabe abal emaile diren hainbat pentsionista eta langabetu aurkitzen dira gaurkoan gure artean, jada ordainduta dituzten etxeak abal moduan jarri zituztenak. Kuotak ezin zituztenez ordaindu, eta Kutxak inposatuta eskubideei uko egin zietenez, Kutxabankek beraien pentsioak edo etxeak kendu ditzake. Baina Kaleratzeak Stop-en talde juridikoak lortu dituen hiru epaiei esker, lapurreta honek iraungitze-data du.
Mailegu batetan IRPHa baliogabetzen duen bigarren epaia lortu berri dugu. Berriz ere Kutxabanken mailegu bat da, eta entitatea zigortua izan da ordezko indizea (Euribor+1, kontratuak hori zioelako) atzerako eraginez aplikatzera, maileguaren haseratik IRPH Cajas indizearen arabera ordainduriko kuota guztiei, diferentzia kaltetuari itzuliaz. Gure borrokan aurrerapausu itzela da, eta bereziki pozik gaude Lorenak eta bere alabak Kutxabankek kendu zien babes ofizialeko etxebizitza berreskuratu baitezakete.
Hementxe duzu epaia, eta ondorengo hau da argitara eman dugun komunikatua:
KUTXABANKen MAILEGU BATETAN IRPHa BALIOGABETZEN DUEN BIGARREN EPAIA
LORENA ETA ALABAK KUTXABANKek 2.900€ko ZORRAGATIK KENDU ZIEN BABES OFIZIALEKO ETXEBIZITZA BERRESKURATZEA ESPERO DUTE
KALERATZEAK STOP ETA IRPH STOPek ITURBEren DIMISIOA EXIJITZEN DUTE
Donostia, 2014-10-22
Aste honetan ezagutu den Donostiako Merkataritza Arloko 1. Epaitegiaren epai batek Kutxabank zigortu du IRPH Stop Gipuzkoa elkarteko kide bati IRPH Cajas indizea aplikatzeagatik. Estatu mailan IRPHaren aurkako borrokan garrantzi honetako garaipen bat lortzen den bigarren aldia da.
Aurreko epaia ere IRPH Stop Gipuzkoa elkartearen talde juridikoak lortu duzen, eta kasu hartan ere maileguaren bizitza osoan zehar IRPHaren arabera bidegabe kobraturiko guztiak atzerako eraginez itzultzera zigortua izan zen Kutxabank. Justiziak kaltedunen aldarrikapena babesten du horrela, IRPHa entitateek moldatu dezaketen indizea eta beraz indarrean dagoen legediaren aurkoa dela onartuaz. Ondorioz, bertan behera geratzen da eta hipotekaren bizitza osoan zehar kobraturiko interesak itzultzea exijitzen da.
Aste honetan ezaguturiko kasuan, salaketa jarri zuena Errenteriako lagun bat da, hipoteka ordaintzean atzeratu eta babes ofizialeko etxebizitza galdu zuena, Kutxabankek kontratua bertan behera utzi baitzuen 2.900€koa besterik ez zen atzerapen baten ondorioz.
Lorenak eta alabak, Kaleratzeak Stop elkartearen laguntzaz, exekuzioaren aurka egin zuten epaitegitan, eta justiziak onartu zuen Kutxabankek gutxienez bi abusuzko klausula aplikatu zituela euren kontratuan: posizio zordunen erreklamazio komisioa eta %17ko berandutze interesak. Kutxabankek, Lorena eta alaba etxegabetzeko grinak itsututa, helegitea jarri zuen, baina Entzutegi Probintzialak epaia berretsi zuen: Kutxabankek aplikaturiko abusuzko klausulak baliogabetuak izan ziren, baina exekuzioa ez zen gelditu.
Lorenak Kutxabanken aurka salaketa jarri zuen IRPHa aplikatzea ere abusuzkoa dela ulertuta, eta justiziak arrazoia eman dio orain. Talde juridikoak 2.900€-ko atzerapena birkalkulatuko du orain. IRPHaren, komisioen eta berandutze interesen eragina kontuan izanik, eta guztiak abusuzkoak direlako baliogabetuak izan direlarik, oso litekeena da Kutxabankek kontratua eten zuenean Lorenak bere maileguaren ordainketan inolako berandutzerik ez izatea.
Horregatik Lorena eta alabak euren etxea berreskuratzea espero dute, Kutxabankek abusuzko klausula hauek guztiak erabiliaz bereganatzeko zalantzarik izan ez zuen babes ofizialeko etxebizitza bat.
Kaleratzeak Stop eta IRPH Stop elkarteok berri hau ospatzen dugu, eta uste dugu Lorena eta bere alabaren kasua Kutxabankek IRPHaren inguruan egin duen kudeaketa zitalaren adibide garbia dela. Kutxabanki, PNV, PSE eta PPri exijitzen diegu zekenak ez izateko eta helegiterik ez jartzeko, epaia lehenbailehen aplikatuaz eta Lorena eta bere alabari euren etxebizitzaren jabetza itzuliaz.
Gainera, epaiaren aplikazioa IRPHaren aldaera guztien kaltetu guztiei zabaltzea exijitzen dugu, euren maileguen bizitza osoan IRPHaren arabera kobratu zaizkien diru guztiak itzuliaz. Gogoratu behar da IRPH aplikatzeagatik Kutxabanken aurka jarritako 30 salaketatik gora dagoela epaiketaren zain, eta dagoeneko irabazi duten bi salaketa hauen parekoak direla. Kutxabankek amore ematen ez badu, justizia administrazioa bere aurkako milaka salaketarekin kolapsatuko du.
Bestalde, Xabier Iturbek ostiralean ospatuko den Kutxaren Batzar Orokorrean dimisioa eman dezala exijitzen dugu. Bere agindupean bidegabekeria gehiegi egin dira, eta Lorena eta bere alabarekin erabili duten bihozgabekeriak muga guztiak gainditu ditu. Tipo honek ezin du Kutxaren garai berrian buru izaten jarraitu.
Garai berri honetan, Kutxabanken kontrol publiko eta soziala ezinbestekoa da honelako bidegabekeriak berriro gerta ez daitezen. Horretarako, PNV, PSE, PP eta CCOO-k ostiralean Kutxa banku-fundazio bilakatzea ekiditea da lehen urratsa, hobeagoak eta legezkoak diren alternatibak baitaude. Horregatik, ostiralean Kutxaren batzar nagusiaren parean deitu diren mobilizazioetan esku hartzeko dei egiten diogu gizarteari.
Andia kalean egigo den kanpaldian Lorena eta kaltetu gehiago egiongo dira, euren kasuak azaltzen.
Kutxabanken pribatizazioaren aurkako plataformak mobilizaziorako deia egin du ostiralerako. Gure elkartea plataforma honen barruan dago, eta dei egiten dio gizarteari eta gainontzeko eragileei mobilizazioetan esku hartzera. Hau da plataformaren komunikatua:
Euskal Herrian finantza-sistema Publikoa. Kutxak-Kutxabank pribatizaziorik ez
“Euskal Herrian finantza sistema publikoa, Kutxak-Kutxabank pribatizaziorik ez” plataformak dei egiten die Euskal Kutxak-Kutxabanken bankarizazio eta prekarizazioak kaltetutako sektore guztiei urriaren 24rako antolatu duen akanpada eta kontzentrazio zaratatsuan modu aktiboan parte hartzera. Donostiako Andiak kalean burutuko da akanpada, goizeko 11etatik aurrera eta kontzentrazioa, arratsaldeko hiruretatik aurrera.
Urriaren 24an batzarrak erabakiko du Kutxa banku-fundazio bihurtzea, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da.
Euskal Herrian, 2014ko urriaren 20an
Eragile sozialak: AHT Gelditu Elkarlana – Berri-Otxoak – Bilboko Auzo-Elkarteen Federazioa – Denok lan – Euskal Herriko Pentsionisten Plataformak – Ezker Gogoa – IRPH Stop – Kontsumitzaile Elkarteak (EKE, UCE, EKA, EHKB, OCUV) – Kutxabank publikoa bilgunea – M15M – REAS (Red de Economía Alternativa y Solidaria) – PAH Kaleratzerik ez! – STOP Desahucios Gasteiz – STOP Desahucios Gipuzkoa.
Sindikatuak: EHNE (primer sector) – HIRU (transportistas autónomos) – ELA – LAB – ESK – STEE/EILAS – CNT
Agerraldia egin dugu gaur Kaleratzeak Stop elkartearekin batera, eta komunikatu hau argitaratu dugu:
KALERATZEAK STOP ELKARTEAREN ELKARRETARATZEA ABAL-EMAILEEN ESKUBIDEEN DEFENTSAN
HIRU ABAL-EMAILE ETA BERE FAMILIEK LASAI LO EGINGO DUTE AZKENEAN
KALERATZEAK STOP-ek FROGATU DU ABAL-EMAILEEI INPOSATURIKO BALDINTZAK ABUSUZKOAK DIRELA
Donostia, 2014-10-21
Duela gutxi Donostiako Merkataritza-arloko 1. epaitegiak, Kutxabanken aurkako hiru epai eman ditu, non abal-emaileei dagokien klausula baliogabetzat jo duen, abal-emaileak mailegu kontratutik kanpo utziz eta ondorioz euren fidatzaile betebeharretaz aske utziz.
Hiru epai aitzindari hauek, Kaleratzeak Stop eta IRPH Stop plataformetako talde juridikoak aurkeztutako auzi-eskaeren ondorio izan dira.
Kaleratzeak Stop eta IRPH Stop plataformetako abokatuek argudiatutako arrazoia, zeina abal-emaileak euren betebeharretatik aske uzten dituzten hiru epaien jatorri izan den, berdina izan da hiru kasuetan: fidatzaileek berezkoak lituzketen eskubideei uko egitearen inposaketa Kutxabank-en partetik.
Eskubide horien uko egitea ez zen kasuz-kasu negoziatu eta beraz erakunde bankarioak inposatua izan zen. Honek kontratuan fiadore bezala parte hartzen zutela uste zuten horiek zordun solidario bilakatu zituen, berez fiadore bezala izango lituzketen eskubideetaz desjabetuz.
Berriro ere engainuaren eta erabateko informazio faltaren bitartez, erakunde bankarioek herritarrak euren eskubideetaz desjabetzen dituzte, kontsumitzaile izateagatik berezkoak dituzten eskubideetaz.
Eskubideei uko egiteko inposaketa eta abusuzko klausulak ohiko praktikak izaten ari dira banketxe eta aurrezki-kutxetan, botere publikoen konplizitatearekin. Baina herritarrak, zordunak eta fede oneko kontsumitzaileak irtenbidea/bidea aurkitzen ari dira: Kaleratzeak Stop plataformak eta horiek eskaintzen dizkieten auzibideak, epaitegi eta auzietara jotzea, kasu honetan eta beste askotan bezala arrazoia eman digutenak.
Hemendik deialdi bat egiten diegu abal-emaile eta fidatzaile guztiei, beraien familiei, plataformekin kontaktuan jar daitezen eta euren eskubideak defendatu ahal ditzaten, krisi finantzario honen benetazko errudunen aurrean: banketxeak, aurrezki kutxak eta euren konplize politikoak.
Gainera, berriro ere salatu nahi dugu estatu espainiarrak ez duela kontsumitzaileek sinatzen dituzten kontratuetan abusuzko klausularik ez egotea bermatzeko duen betebeharra betetzen. Onartezina da herritarrek, Kaleratzeak Stop bezalako elkartetan antolaturik, epaitegietan banketxeei eurre egin behar izatea. Horregatik, epaibide berriak iragartzen ditugun honetan, neurri politikoak ere exijitzen ditugu, abusu honi eta beste askori aurre egin eta etxebizitza eskubidea bermatua izan dadin.
BAI, POSIBLE DA.
