Gaur donostiako epaitegietan herria Kutxaren eta IRPHaren gainetik pasa da. Kutxaren abokatuak bere alde esan ahal izan duen gauza bakarra da IRPHa indize «ofiziala» dela, «espainiarra bezalako sistema finantziario sendo» batetan. Ez du komentariorik merezi.
Kaleratzeak Stop-en talde juridikotik, Jose Mari Erauskinek, mintzaldi bikain batetan, bankuaren argudio urri eta eskasak erantzun ditu eta IRPHa abusuzko klausula egiten duten arrazoiak azaldu ditu.
Kasua epaiaren zain geratu da, eta hilabete baino lehen IRPHa abusuzko izateagatik bertan behera uzten duen lehen epaia izango dugulakoan gaude.
Eta kalean, Ada Colau-k agerraldi jendetsu batetan lagundu gaitu. Bertan Kutxabankek IRPHa aplikatzean duen jarrera gupidagabea salatu dugu. Berriz ere Jon Jauregiren dimisioa exijitu dugu eta PNV, PSE, PP, CCOO, Pixkanaka eta DYA-k Kutxaren politika antisozialetan duten erantzunkizuna salatu dugu.
Ondoren ikus dezakezu komunikabideetan eman duten berrien laburpen bat. ETBk ohar labur bat argitaratu du bere webgunean baina, berriz ere, berria zentsuratu du bere albistegietan, nahiz eta gutxienez kamera bat eraman duten.
Ada Colau Donostian izango da otsailaren 17an IRPHaren aurkako borrokari bere babesa agertzeko. Egun horretan, IRPHak Kaltetutakoen Gipuzkoako Elkarteko kideek, Kaleratzeak Stop-en babesaz eta bere abokatuen laguntzaz Kutxaren aurka aurkeztu ditugun salaketen artean lehenbizikoari dagokion bista ospatuko da epaitegietan.
Bistaren aurretiko prentsaurrekoan esku hartuko du Ada Colauk, estatuan milioitik gora familiaren hipotekatan aplikatzen den IRPHa salatzeko. IRPHa familia asko kalera eramaten ari den indize kriminala da. Hauxe da adibidez Lorenaren kasua. Kutxa Lorenaren babes ofizialeko etxebizitzaren jabe egin da 2.000 eurotara iristen ez zen zor baten ondorioz, iadanik abusuzkotzat epaituak izan diren klausulak eta IRPHa bera medio. Gaur egun Lorenak bere etxean darrai, eta Kutxaren aurkako beste salaketa bat jarri du IRPHa ere abusuzko klausula dela onartu dadin, horrela etxea berreskuratzeko.
Prentsaurrekoan salatuko dugu Kutxabank dela estatu mailako entitaterik ankerrenetako bat, ez duelarik sekula onartzen etxea ordainetan ematea, ezta egoera larrienetan ere. Kutxaren usura ere salatuko dugu, eta horretarako PNV, PSE, PP, CCOO eta Pixkanaka-k ematen duten babesa, Kutxaren Administrazio Kontseiluan ematen duten bozkarekin. Elkarte honek behin baino gehiagotan salatu du gipuzkoar guztion aurrezki kutxa izan zena gaur egun entitate kriminal bat dela, Xabier Iturbe izeneko ergel moral batek zuzendua, eta zenbait bulegotako zuzendarien konplizitatea duena. Izan ere, Kutxaren bulegotan entzun behar izan dugu hipoteka ordaintzea dela garrantzitsuena, eta horretarako «sobreko zopa jan» edota «kalea egin» beharko dugula behar izan ezkero.
José Corchón batzarkide jeltzalea bezalako hipokritak kexu dira hauek guztiak salatzeak Kutxari suposatzen dion publizitate txarra dela eta, eta azpimarratzen dute Kutxa publikoa dela. Nazkatuta daude hainbesteko hipokrisiaz. Xabier Iturbe Kutxako presidenteak Batzar Nagusien deia jaso zuen bertara joan eta IRPHa aplikatzeagatik kontuak emateko, baina uko egin zion entitate «pribatua» delako eta kontuak Banco de España-ren aurrean bakarrik ematen dituelako. Ez diogu Corchón jaunari bere adiskide Iturbek egindako itsuskeria honen inguruko kexarik.
Guk, Corchón jaunak ez bezala, Kutxa eta Kutxabank benetan publikoak izatea nahi dugu, baina ez dugu beraien ereduan sinisten, eta ezin dugu ados egon honakoak esaten dituztenean: «Etxebagetzen ez duen banku bat pentsaezina litzateke». Ez da pentsaezina, ez. Posible da, baina ez duzue nahi.
Ada Colauk irakatsi zigun iruzur finantziario honen errudunak kriminal hutsak direla, eta horrelaxe hartu behar ditugula:
Hitzorduan otsailaren 17an da, astelehenez, eguerdiko ordubatean Atotxako epaitegien aurrean.
IRPHaren aurkako setio judiziala indartzen doa, IRPHa abusuzko klausula dela dioen epai berri batekin. 2014ko urtarrileko epai bat da, Azpeitiko epaitegiak emana, eta Nafarroako Rural Kutxak IRPH-Entidades aplikatzearen ingurukoa.
Abusuzko klausulengatiko aparteko inzidente bat da, kaleratze prozesuan zegoen familia batek aurkeztua (“exekutatua” izan zen, baina “lanzatua” oraindik ez). Epaiak dio kontratuan abusuzko klausulak daudela, eta kaleratzea bertan behera uzten du.
Abusuzkotzat jotzen den klausulatako bat IRPH indizea aplikatzearen da, eta autoak dio ez dela ulergarria bezeroak onartu ahal izateko azaldua izana, kaltetuentzat Euriborra baino kaltegarriagoa delako (hitzez hitz, “más perjudicial que el habitual del Euribor”). Eta gehitzen du azalpen argi baten faltan klausula hau ezin izan zela negoziatua izan merkatuen eta maileguen inguruko eragiketen gaineko ezagutzak ez dituen norbaitentzat. Hitzez hitz: “y sin una explicación clara esta cláusula es una disposición que no se pudo negociar individualmente, salvo para alguien con conocimientos específicos en los mercados y las operaciones de préstamos” eta “siendo esto perjudicial para los ejecutados al ser este interés más perjudicial”
Atzo, urtarrillak 22, beste bi salaketa jarri genituen Kutxaren aurka IRPH indizeak aplikatzeagatik. Bi salaketa hauen aurretik beste bi aurkeztu ziren 2013an, eta dagoeneko tramitera onartuak izan dira. Kasu guztietan, Kaleratzeak Stop-en talde juridikoa da demandak prestatu dituena.
Atzo aurkezturiko lehen salaketa Lorenaren kasuari dagokio. Kasu hau bereziki larria da, eta Kutxak bere babes ofizialeko etxebizitza eskuratu du, hasera batean 2.900 eurokoa zen zor bategatik. Zor hau puztutzen joan zen berandutze-interes itzelak medio, baina interes horiek abusuzkotzat joak eta bertan behera utziak izan ziren Donostiako 4. Epaitegiaren 2013ko abenduaren 20ko autoan. Orain, Lorenaren defentsak argudiatuko du IRPH Cajas aplikatzea ere abusuzko klausula dela, Lorenak eta bere alabak etxea berreskuratu dezaten. Izan ere, hipoteka sinatu zen garaian IRPH Cajas Euribor+%0,5 inguruan zegoen, eta puztua izan zen ia Euribor+%3,5 izatera iritsi arte. Lorenaren hipotekan honek izan zuen eragina nabarmena da.
Atzoko bigarren salaketa Isabel eta José Ignaciorena da, eta Kutxa salatzen dute IRPH Entidades indizea aplikatzeagatik. IRPHaren aldaera hau duten Kutxaren hipotekak gutxiengoa dira, baina garrantzia handia du estatu-mailako IRPHaren aurkako borrokan, bertan behera utzia izan ez den IRPH mota bakarra baita. IRPH Cajas eta IRPH Bancos baliogabetuak izan ziren manipulagarriak zirelako, baina PSOE eta PPk IRPH Entidades mantendu dute, bere kalkuloa eta bilakaera besteekin alderatuta zeharo parekoak izan arren. Epaitegietan abusuzkoa dela frogatzea oso garrantzitsua izango da Isabel eta José Ignaciorentzat, baina baita estatu guztian indize hau pairatzen duten milaka familientzat ere.
IRPHak Kaltetuakoen Gipuzkoako Elkarteak eta Kaleratzeak Stop-ek berriz ere azpimarratu zuten tamalgarria dela Kutxak, gipuzkoar guztion aurrezkiekin sorturiko aurrezki kutxa izan zenak, abusuzko indize hauei eusten jarraitzea eta kaltetuei epaitegietakoa beste biderik ez uztea.
Bihar, urtarrilak 22, eguerdiko 13:30tan, hitzordu berri bat dugu Donostiako epaitegietan. Kutxaren aurkako bi salaketa berri aurkeztuko dira Kaleratzeak Stop-en talde juridikoaren eskutik, eta gu bertan izango gara gure babesa ematen.
Lorenak IRPH Cajas abusuzkoa dela argudiatuko du bere etxebizitza ez galtzeko. Gogoratu Kutxak babes ofizialeko etxebizitza kendu diola 2.900 euroko zorragatik, IRPHa eta abusuzko beste klausula batzuk direla medio. Lorenaren kasua benetan eskandalagarria da: ikusi laburpen bat hemen.
Isabel eta Jose Ignaciok ere Kutxa salatuko dute IRPHa aplikatzeagatik. Euren kasuan IRPH Entidades da aplikatu zaien indizea. Indize hau dela eta Kutxaren aurka aurkezten dugun lehen salaketa izango da, eta Kutxaren kasuan indize hau duten hipotekak gutxiengoa izan arren estatu mailan garrantzia handia du. Izan ere, IRPH Cajas eta IRPH Bancos desagertu diren arren PSOE eta PP-k IRPH Entidades mantendu ute, eta estatuan milaka familia dira indize manipulagarri hau pairatzen dutenak. Epaitegietan abusuzkoa dela frogatzea oso garrantzitsua izango da IRPHaren aurkako borrokan.
Zatoz zu ere. Asteazkena, urtarrilak 22, 13:30 tan Donostiako epaitegietan (Atotxan: Teresa de Calcuta Plaza, 1).
Donostiako 4. epaitegiak Kutxa kondenatu du, 2013ko abenduaren 26ko epaiaz, abusuzko bi klausula aplikatzeagatik:
– %17 inguruko berandutze-interesak: epaiak ez jarritzat hartzen ditu eta beraz %0-n ezartzen ditu.
– Zorra galdegiteagatik 30 euroko komisioa. Kutxari benetan kostatzen zaiona, gehienez, igortzen duen gutunaren kostua da. Horregatik 30€ kobratzea arrazoirik gabea da. Zentzua izango luke Xabier Iturbe bera etorriko balitz zorraren berri ematera (orduko 250 euro baino gehiago irabazten du). Edo Mario Fernández (orduko 350 euro baino gehiago)
Epaiak Kutxa 584 euroko komisioak itzultzera zigortzen du.
Mota honetako klausulak abusuzkoak izateagatik baliogabetzea ez da gauza berria, eta epai asko daude iadanik. Larria Kutxak oraindik aplikatzen jarraitzea da. Eta benetan kezkagarria dena, Kutxak oraindik ere maileguak abusuzko klausula hauekin eskeintzen dituela (ikusi berria hemen)
