Donostiako epaitegiak Kutxa zigortu zuen IRPHaren arabera kobraturiko kuota guzti-guztiak Euribor+1-ekin berriz kalkulatu eta aldea bezeroari itzultzera. Epaiari helegitea jarri dioten arren, gu seguru gaude irabaziko dugula. Zenbat diru berreskuratuko dugun kalulatu dezakegu kalkulagailu honen bidez.
Berriki Batzar Nagusitan egin genuen agerralditik atera ditugun bideoak dira.
Pasa den uztailaren 3an Gipuzkoako Batzar Nagusitan egin genuen agerraldian mezu hau utzi genion PNVren presidente den Andoni Ortuzarri. Tamalez, PNVko batzarkideak ez ziren komisioan izan (bere betebeharra izan arren, eta kaltedunoi eta Batzar Nagusiei errespetu falta itzela erakutsiz), eta beraz ezin izan diote mezua helarazi. Horregatik atera behar izan dugu bideoa.
Gaur jakinarazi digute Kutxak helegitea jarri duela mailegu batetan IRPHa baliogabetu zuen epaiaren aurka. Epai hark Kutxa zigortu zuen gehiegikeriaz kobraturiko interesak itzultzera, IRPHaren arabera ordainduriko guztiak Euribor+1 indizearekin berriz kalkulatuaz.
Helegite hau Kutxaren arduradun politikoei helarazi genien eskabidearen ondoren dator. Eskaera hartan, epaia onartu eta kaltedun guztiei aplikatzeko deia egin genien. Gasteizko legebiltzarrean izan zen eztabaidan, EH Bilduk proposatu zuen Kutxari aldarrikapen hori helaraztea, baina PNV, PSE eta PP-k aurka egin zutens. Beraz, familiek jakien behar dute PNV, PSE eta PPk ez dutela gehiegikeriaz kobraturiko interesak berreskuratzerik nahi. Hala ere, helegitearekin ez dute askorik lortuko. IRPHa abusuzkoa eta indarrean dagoen legediaren aurkakoa dela frogatzen duten argumentuak ditugu, eta amaieraraino jarraituko dugu borrokan.
Orain hamar eguneko epea dugu Kutxaren helegiteak aurkezten dituen argumentuen aurka egiteko, eta ez zaigu zaila suertatuko.