Gipuzkoan ale-kopuru gehien dituen doako aldizkariak abenduko azala eta erreportaje zabal bat eskeini dizkio gure arazoari. Irakurketa guztiz gomendagarria, hemen.
Kategoria: IRPH
Eider Mendoza Larrañaga, lotsagabe hutsa zara
Eider Mendoza Larrañaga, lotsagabe hutsa zara. Zure alderdia milaka familiaren sufrimendua luzatzearen erantzule da, horrela erabaki duzuelako, iadanik desagertu den IRPH Cajas indizea aplikatzen baitiezue Kutxarekin duten hipotekan. Utz ditzagun antzerkiak: PNVk Kutxabanken kontrola du, eta borondate politikoa bazenute Mario Fernándezek gaur bertan eten lezake arazoa. Beraz, zure alderdiak IRPHarekin kakaztea erabaki baldin badu eta zu ez baldin bazara ausartzen jarrera hori jendaurrean babesten, IRPHaren aurka zaudenaren itxura egiten saiatu eta harrapatu baldin bazaituzte, ba zaude ixilik. Baina ez, Eider Mendoza, harrotu egin zara, eta uste duzu edozer gauza esan dezakezula.
Atzo, abenduak 11,Jon Jauregiren dimisio eskaerari erantzunez, zure adierazpen hauek topatu genituen egunkaritan:
Nazka ematen digu milaka familiaren sufrimendua nola erabiltzen duzun ikusteak. Hau gai «sensiblea» dela eta «guztiekin hitz egiteko» prest zaudela diozu, nahiz eta sekula ez diezun gure elkarrizketarako deiei erantzun. Ze lotsa gutxi duzun. Utzi zurikeriak, Eider. Erakundeak erabiltzen dituzue Kutxabanki eskatzeko Euribor+1 aplika diezagula, eta zuek daukazue bere Administrazio Kontseiluan gehiengo absolutoa. Erabakia zuen esku dago. Gure sufrimendua mespretxatzen duzue, eta gure erakundeak ere bai, fartsa bat antzezteko erabiltzean.
Nahi duzuenan elkar gaitezke. Edo gure bileratara etor zaitezke, ea lotsagorritzen zaren. Aurreko astean adibidez, familia berri bat etorri zitzaigun, lau kidekoa, guztiak langabezian, baliaezintasun arazoekin eta botikak ordaintzeko ere arazoak dituztela. Eta guztia hilero-hilero zuek aplikatzen jarraitzea erabaki duzuen IRPH nazkagarria ordaindu ahal izateko. Malko artean azaldu ziguten nola Kutxan esan dieten ez dietela desagerturiko IRPH Cajas aplikatzeari utziko hipotekaren hurrengo rebisiora arte, hemendik 9 hilabetetara. Eider, zu familia honen eta beste askoren sufrimenduraren errudun zara. Zatoz nahi duzunean, eta azaldu iezaguzu hau gai sensiblea dela eta guztiekin hitz egiteko prest zaudela.
Zure helbide elektronikoari buruz, ez digu inork eman behar, ez ibili mamuak topatu nahian. Zure helbidea, suposatu genuenez eta zuk baieztatu berri diguzunez, hau da:
eta zure adiskideena beherago jarri dugu. Eta ez, ez da zure helbide «pertsonala»; herritarrok ordaintzen ditugun kontu elektronkioak dira, eta zuen eginbeharrak bete ditzazuen jarri dizkizuegu. Eta zure eginbeharra, ez ahaztu, gipuzkoarrok zerbitzatzea da. Beraz, herritarrok jarri dizugun helbide elektronikora herritarron mezuren bat iristen bazaizu ez larritu, horretarakotxe jarri baitizugu.
Kutxaren Administrazio Kontseiluaren azken bileran gertutakoari dagokionez, egia esan ez du garrantzia handirik, hilabete asko daramagu borroka honetan, eta guretzat argi dago zu zarela gezurretan dabilena. Jon Jauregi eta PNVren gainontzeko kontseilariek, PSE, PP, CCOO eta Pixkanakako akolitoekin batera, desagerturiko IRPH aplikatzen jarraitzea defendatzen dute, baina jendaurrean onartzeko lotsagarriegia iruditzen zaizue. Gipuzkoak jakin behar du bilera horietan erabakitzen dena sekretua dela, eta sekretua da zuek horrela nahi duzuelako. Oso eroso zabiltzate lekukorik gabe. Oso eroso zabiltzate hitzekin jolasean eta manipulatzen. Horixe da zu egiten ari zarena: gurekin jolasean. Eta zu gai honekin jolasean zabiltzan bitartean, milaka familiak negar egiten du hipoteka ordaindu ezinean dabilelako. Eta zu, Eider Mendoza, errudun zara. Eta kriminala zara, egiten duzuna bidegabea eta gaitzesgarria delako. Beraz, ileapaindegian topo egiten badugu gure haserrea helaraziko diguzu. Halaxe izango da, derrigorrean.
Helbide interesgarriak:
PNV:
eajtalde@bngipuzkoa.org
emendoza@bngipuzkoa.org
molano@bngipuzkoa.org
lalonso@bngipuzkoa.org
jantxustegi@bngipuzkoa.org
jcorchon@bngipuzkoa.org
iegibar@bngipuzkoa.org
zetxezarraga@bngipuzkoa.org
xezeizabarrena@bngipuzkoa.org
agaldos@bngipuzkoa.org
mibabe@bngipuzkoa.org
iiturain@bngipuzkoa.org
malazkano@bngipuzkoa.org
aoiarbide@bngipuzkoa.org
arojo@bngipuzkoa.org
PSE:
sv1@bngipuzkoa.org
eandueza@bngipuzkoa.org
marrizabalaga@bngipuzkoa.org
jastudillo@bngipuzkoa.org
nazpiazu@bngipuzkoa.org
mcruzado@bngipuzkoa.org
mduran@bngipuzkoa.org
mjegido@bngipuzkoa.org
sgarcia@bngipuzkoa.org
rromero@bngipuzkoa.org
lsuarez@bngipuzkoa.org
PP:
ppopular@bngipuzkoa.org
jccano@bngipuzkoa.org
maguerra@bngipuzkoa.org
imanrique@bngipuzkoa.org
jmmurguiondo@bngipuzkoa.org
Jon Jauregi * * * * * * * * * *ren dimisioa ezinbestekoa da
Jon Jauregi Bereziartua (edo Ion Jauregui Bereciartua), * * * [edukia ezabatua izan da] * * *. Hamabi urtez Beasaingo alkate, 2007an egin zen benetan famatu, * * * [edukia ezabatua izan da] * * *
Ba pertsonaia hau, * * * [edukia ezabatua izan da] * * *, Kutxaren Administrazio Kontseiluan dago orain, eta Batzar Nagusien ordezkari da bertan. Azaroaren 30eko gure albistean salatu genuenez, azaroaren 28ko Administrazio Kontseiluaren bileran Jon Jauregik Batzar Nagusiek azaroaren 6an onarturikoaren aurka bozkatu zuen, eta bere bozkarekin Kutxak IRPHa aplikatzen jarraitzea bultzatu zuen. Hau da, BBNNak ordezkatzeko dago Kutxan, baina BBNNek defendatzen dutenaren aurkakoa bozkatzen du. Jakina, alde egin dezala da eskatu dezakegun gutxienekoa.
Azaroaren 30ean egin genuen dimisio eskaerari EH Bildu koalizioa batu zaio gaur. Prentsaurreko baten bidez jakinarazi dute gainera gaia Batzar Nagusietara eramango dutela, eta bertan Jon Jauregiren gaitzespena eta dimisioa eskatzeko ekimena martxan jarriko dutela. Gure plataformak ekimen hau ondo ikusten du, baina formak kritikatu beharrean gaude. Izan ere, EH Bilduren prentsa oharrak dio PNV eta PSE eskizofrenia politikoa erabiliz dabiltzala («diskurtsoetan afektatuen alde azaltzen ari diren bitartean, erabakitze guneetan kontrako bozka ematen ari dira»); gure iritziz badaude kalifikatzaile zuzenagoak: PNV eta PSE modu hipokrita eta kriminalean ari dira.
Ikusi EH Bilduren prentsa oharra bere webgunean eta berria El Diario Vascon.
Kriminalak Kutxaren Administrazio Kontseiluan
Azaroaren 28an, Kutxaren Administrazio Kontseiluak IRPH Cajas indizearen gaia aztertu zuen. Indize hau 2009an Europak gaitzetsi egin zuen, 2011n estatu espainiarrak gardentasun gabetzat jo zuen, 2012 debekatua izan zen hipoteka berrientzako eta 2013an guztiz desagertu da. Kutxak aplikatzeari eusten dio ordea, eta gure hipoteka maileguen hurrengo rebisiora arte luzatu nahi du, kasurik okerrenetan 2014ko urrira arte. Ondorioz, milaka familiak bataz beste 300€ gehiago ordaintzen dute hilean, eta kopuru honek familia horietako asko hipoteka ordaindu ezinaren amildegira daramatza.
Gasteizko legebiltzarreko, Gipuzkoako Batzar Nagusietako eta udalbatza ugaritako plenoek, tartean Donostiakoak, iadanik galdegin diote Kutxaren Administrazio Kontseiluari indize hau gehiago ez aplikatzeko. Alderdi politiko guztiek babesten gaituzte jendaurrean. EH Bildu, PNV, PSE eta PP-k ere bai zenbait kasutan, guztiek egin dituzte hitzaldi politak IRPHaren aurka. Baina ze postura hartzen dute alderdi politiko hauek benetan erabakiorrak diren foroetan?
Azaroaren 28ko saioan, EH Bilduren kontseilarien ekimenez, ebazpen bat bozkatu zen, Kutxaren Administrazio Kontseiluak eska ziezaion Kutxabanki gure ordezkoa, Euribor+1, berehala aplikatzeko, gure kontratuek diotena beteaz.
- Aldeko botoak: 7, guztiak EH Bilduren aldetik.
- Aurkako botoak: 7, PNV + PSE-PSOE + PP + CCOO + Pixkanaka bloketik.
DYA-ren ordezkaria ez zen agertu, eta Iturberen kalitate-botuak ebazpena atzera bota zuen.
Beraz, PNV=PSE=PP=CCOO=Pixkanaka blokeko kontseilariek herritarron subiranotasunaren hartzaile diren instituzioen mandatuari muzin egitea erabaki zuten. Instituzio hauen tartean Kutxaren fundatzaile diren Donostiako Udaletxea eta Gipuzkoako Batzar Nagusiak daude. Kontseilari hauen jokabidea KRIMINALA da, ez dago zalantzarik, modu desegoki eta gaitzesgarrian ari baitira. Ez diogu guk bakarrik: Batzar Nagusiek azaroaren 6an onarturiko ebazpenak dio «legez» dagokigun Euribor+%1 ordezkoa aplikatu ez bazaigu entitateak «era bidegabean» jokatzen duelako dela.
Hemen duzu egun hartan argitaratu genuen prentsa-oharra: Prentsa_131128
Azter dezagun orain nortzuk diren IRPHak eragiten duen sufrimendua luzatzea ahalbideratzen duten kriminalak:
 Xabier Iturbe Otaegi. PNV. Kontseiluko presidente eta ondorioz kriminalen artean erantzunkizunik handiena duena. |
 Jon Jauregi Bereziartua. PNV. Beasaingo alkate izan zen 12 urtez. Joseba Egibarren sektorekoa da (hitzegin genuen hemen Josebari buruz). 2007an, * * * [edukia ezabatua izan da] * * * Gaur egun Gipuzko Buru Batzarreko kide da, eta Kutxaren Administrazio Kontseiluan Gipuzkoako Batzar Nagusiak ordezkatzen ditu. Batzar Nagusiek defendatu dutenaren guztiz aurka bozkatu duenez (hau da, Kutxari IRPHa aplikatzeari uzteko eskatzen dion Batzar Nagusien ebazpena propio desobeditu duenez), pertsonaia ilun honek bere karguari uko egin beharko lioke. |
 Iñigo Barandiaran Benito. PNV. Kasu honetan ere, interneteko bilaketa batek iragan zalantzakor bat agertarazten du, eta horrela jakin dezakegu Kutxaren Administrazio Kontseilura iritsi zenean Funtzio Publikoaren Legea haustea leporatu zitzaiola, bateraezintasun erregimena ez betetzeagatik. Iñigo Barandiaran Donostiako udalean funtzionaria zen eta ez zion uko egin nahi izan ia 70.000 euroko soldatari (antzinatasuna kontatu gabe) |
 José Miguel Martín Herrera. PSE-EE. Eusko Jaurlaritzan Hirigintza, Etxebizitza eta Ingurugiro kontseilaria izan zen, eta Visesa bezalako zenbai sozietate publikotan exekutibo. Gainera, Europistas, Bidegi edota Pasaiko Portuko Agintaritza bezalako enpresen administrazio kontseiluetan ere aritu da. |
 Eduardo Placeres Pascua. PP. Irungo udaletxea ordezkatuz, PSEko Jacinto Hernández Martín joan zenean sartu zen. Aldaketa honek taldeari koherentzia pixkat bat eman dio. Izan ere, PP-k ia inoiz ez digu babesik eman, eta ondorioz eman duen bozka koherentea da. PSE-k ordea ekimen mordo bat aurkeztu du hainbat instituziotan, Kutxari IRPHa aplikatzeari uko egiteko eskatuaz... eta bitartean Kutxan dituzten kontseilariek guztiz aurkakoa defendatzen dute. |
 Vicky, Victoria Juana Alquézar Shepens. CCOO. Sindikatu honek azaldu beharko du nolatan lerrokatzen den beti PNV bezalako alderdi eskuindar batekin. Modu aktiboan bozkatu du IRPHa aplikatzen jarraitzearen alde, etxegabetzeak eta hondamendia bultzatuaz. Gogoan hartuko dugu. |
 Francisco Borja García Santacruz. Pixkanaka. Kutxaren langilegoa ordezkatzen du, eta langileei eskatu behar diegu beraien iritzia emateko, bozka hau babestu edo gaitzetsiaz. PNV eta PSEk (eta batzutan PPk ere) jendaurrean babestera ausartzen ez diren indize kriminala babesten dute, bai ala ez? |
 Javier Barece Imizcoz. DYA. Interes Kolektiboak ordezkatzen dituzten Erakundeen ordezkaria. Ez zen saiora joan, eta botua delegatzeari uko egin zion, modu honetan PNV=PSE=PP=CCOO=Pk blokeari garaipena emanaz, presidentearen kalitate-botuari esker. Dioenez, ezin du botoa delegatu DYA Gipuzkoako zuzendaritzak hala erabaki baitzuen, eztabaida politikotan ez sartzeko. Gure postura babesten duela dio baita ere... baina modu berean esan zuen CCOO eta Pixkanakak ere babesten gintuztela, eta ikusi dugu nola babesteaz urrun gure aurka bozkatu dutela. Beraz, DYAren ordezkariaren ustezko babesa zalantzagarri da. |
| EH Bildu. Koalizioaren 7 ordezkariek erakutsi dute koherenteak direla Gasteizko legebiltzarrean, Gipuzkoako Batzar Nagusitan eta udaletxetan bozkatzen dutenarekin, eta indize kriminal honekin amaitzeko benetako interesa erakusten duten bakarrak dira. |
Kutxaren Administrazio Kontseiluaren bilera: goazen aurre egitera!
Ostegun honetan, azaroak 28, Kutxaren Administrazio Kontseilua bilduko da. Hartu ditzagun kontseilariak merezi duten bezala, elkarretaratze batekin: osteguna, azaroak 28, arratsaldeko 16:00tan Garibai kaleko Kutxa aurrean. IRPHa eta kaleratzeen errudunak bertan izango dira. Zatoz zu ere!
Hemen duzu bilera honen inguruan argitaratu dugun prentsa-oharra: Prentsa_131128
Batzar Nagusietako lehendakariaren harrera ofiziala… eta Iturberi kontuak eskatzea
Gipuzkoako Batzar Nagusietako lehendakari Lohitzune Txarolak gure elkartearen ordezkaritza bat jaso du Batzar Nagusien egoitzan. Lehendakariari kaltetuon egoera bereziki grabea iruditzen zaio diru publikoz sortu eta mantentzen den banku entitate baten eskutik jasotako tratuaren ondorio delako, eta Kutxari eskatu dio berehala aplikatzeko eruribor gehi puntu bat.
Batzar Nagusien webgunean eman dute honen berri: egin klik hemen berria ikusteko.
Bestalde, azaroaren 18an ospatu zen batzordean, Batzar Nagusiek erabaki zuten Kutxako presidentea eta Kutxabankeko Administrazio Kontseiluko kide den Xabier Iturberi eskatzea Batzar Nagusietan agerraldia egiteko, Kutxaren Administrazio Kontseiluan IRPHaren inguruan hartutako erabakien berri eman dezan. Ekimena Bildu eta Aralarrena izan zen, eta PPk babesa eman zion.
PNVk eta PSEk aurka egin zuten. Ez dute agerraldirik nahi. Harritzekoa, beraien diskurtso ofizialaren arabera gai oso larria baita. Edo guztiz ulergarria, alderdi hauek direlako Kutxaren Administrazio Kontseiluan IRPH aplikatzearen alde egiten dutenak. Hipokrita hutsak dira. Hipokritak eta kriminalak.
Ikusi egin beharko orain Xabier Iturbek zer erantzuten dion eskari honi. Espero dugu Kutxaren sortzaile den erakundearen eskaria aintzat hartuko duela, ez da noski gonbidapena baztertzeko bezain lotsagabea izango!