Cadizeko Probintzia Auzitegiak IRPHa abusuzkoa delako baliogabetu du, Gorenaren erabakiaren zain geratu gabe

Cadizeko Probintzia Auzitegiak erabaki du ez duela itxarongo azaroaren 22an Espainiako Auzitegi Gorenak tramitera onartu duen IRPHaren lehen baliogabetze kasua ebatzi arte, eta 2017ko urriaren 23ko epai baten bitartez indize hau abusuzkotzat jota baliogabetu egin du, hori egin duen seigarren probintzia auzitegia delarik.

Oso berri ona da IRPHaren kaltedunentzat, Gorenaren erabakia oso gertu dagoen une honetan IRPHa baliogabetzearen aldeko doktrina indartzen doala erakusten baitu. Espainiako herriaren defendatzaileak erreferentzia indize hau ez erabiltzeko egin duen aholkua ezagutu eta oso gutxira iritsi da epaia. Herriaren defendatzaileak gomendio hau egin zuen Gorenaren erabakiaren zain egon gabe, bere esanetan IRPHa baliogabetzen duen doktrina finkatzen ari delako.

Gogoratu dezagun IRPHa baliogabetuz Probintzia Auzitegi batek ebatzi zuen lehen epaia Araban eman zela 2016ko martxoaren 10ean, eta haren atzetik etorri direla Bizkaia, Madril, Alacant, Salamanca eta Cadizeko probintziak. Orain Gorenak erabaki behar du ea ontzat ematen duen etengabean indartzen ari den doktrina hau.

One thought on “Cadizeko Probintzia Auzitegiak IRPHa abusuzkoa delako baliogabetu du, Gorenaren erabakiaren zain geratu gabe

  1. Quisiera preguntar si hayy un periodo máximo para reclamar y a partir de cuando se cuenta ese periodo.
    Gracias

Comments are closed.